牧羊少年咖啡館 (屯門市廣場1期)

营业中

休息中

已经食过多次牧羊，印象中由2013年食到依家，睇住佢都越黎越多分店，一向支持。¹.蒜香牛肉碎杂菌松露意粉杂菌同黑松露味比较出，意粉质地系炒意粉个种感觉，味道唔错，几惹味。².忌廉三文鱼长通粉呢个系朋友拣既，由于我唔食三文鱼缘故所以我都无特别试食佢个意粉。但朋友话味道OK的。³.黑松露酱薯条因为朋友想食薯条所以都叫左，食过好多次牧羊薯条，所以都唔特别讲，正常质素啦﹗⁴.热泡沫咖啡牧羊咖啡一向都唔错，跟餐加$16蚊。⁵.热白桃乌龙友人拣左餐茶有白桃乌龙，钟意饮茶既我都试左佢杯茶，几好饮，白桃得黎又唔假，茶味都出。下一次可以再试﹗⁶.南瓜茸汤跟餐餐汤，钟意南瓜既朋友一定钟意。整体质素依旧唔错，又坐得舒服，同朋友坐下倾下计食下野黎牧羊系唔错，不过假日预左都系要等下位咁。