明師傅甜品 (已結業)

路德围连住三间甜品店，松记明师傅友记，之前日日放工十点几都会经过，日日都人山人海。自己真系唔系好得食糖水呢个环节(除咗佐敦佳佳)，又多人坐得又唔舒服又贵(甜品店食水之深)又唔健康，食物亦零制作技巧。不过朋友千里迢迢入到荃湾，佢叫到，死就死啦！今日星期一十点半，少见无咩人，除咗松记有一两个人排外，友记即入得，明师傅更得两三枱客。坐低，个餐牌溶溶烂烂，见到都唔多开胃，选择亦唔多唔吸引，啲相仲有啲丑。最后叫咗个黄色潜水艇($29)，贪佢有雪糕有芒果。但上枱最抢镜嘅系𠮶几粒大菠萝，占咗成个碗三分一，硬度完全同成碗嘢格格不入。其他，正常货仔啰，食完都唔多觉自己食过芒果𠮶只。$29我唔知算唔算贵，但之前喺路德围食过间四五十蚊扮哂日式嘅甜品店(已关门大吉)，环境服务都差无可差，所以$29我突然觉得好很平