三木日本料理 (已結業)

一入到去见到座位唔算好多，地方都几宽敞，唔洗逼埋逼埋咁食野。 一开始点左刺身、军舰同寿司刺身方面选择都几多，而且都几新鲜同鲜甜，质素唔错。特别系八爪鱼，虽然表面平平无奇，但食落鲜甜爽口，有惊喜！ 军舰方面，d紫菜几脆，抵赞！ Vi觉得海胆军舰最正，口感浓郁又唔会腥！好少放题有咁足料既海胆, 其他军舰就不过不失啦。不过全部军舰都好足料, 特别系三文鱼子有好多, 但军舰都几大件, 食多几件好快饱~寿司方面，火炙寿司就最吸引，烧得岩岩好！花之恋就普普通通啦，三文鱼包得唔够实，同埋如果再多番dd沙律酱会更好食。 食完冻野就点左d热食，有铁板烧、串烧同炸物等等。铁板烧既牛柳好香口同好有肉味，不过略嫌有d韧。另外点左个日式烧饼都唔错，d酱汁捞埋一齐好惹味！ 串烧方面Vi就觉得烧菠萝最吸引，酸酸甜甜又有d烧烤味，几过瘾！蕃薯仔都好食, 好粉，几甜，细细粒食多几粒都唔会太顶胃。  炸物方面几抵赞！首先唔会太油腻，又做到外脆内软，同埋炸粉唔会太厚！芝士年糕系Vi既至爱，好烟un芝士好流心, 不过食多块就会觉得滞。 最后就系甜品时间！所有甜品除左tiramisu之外都几好食，估唔到放题既甜都有水准！