上村牧場 (已結業)

来上村牧场主要系因为佢系日本过江龙品牌同埋有A4级以上萨摩牛，香港好多烧肉店都话系「和牛」但有得食优质级别嘅萨摩牛，唔系好多选择。佢标榜系鹿儿岛自家牧场养殖。时代广场分店装修格局好有日本feel，如果用萨摩牛黎计，其实价钱都算合理其他嘅配菜选择都好多，有海鲜、冷面、寿司、唔同嘅肉类、最重要系甜品有Haagen Dazs 雪糕同埋夕张蜜瓜果冻一啲特色野萨摩牛肉汁方面，放题餐入面有四款唔同部位，仲有萨摩牛寿司、萨摩牛生拌牛肉呢啲用什么牛做嘅特别嘢食几得意。同时我都再试左澳洲和牛比较一下，明显萨摩牛真系同澳洲和牛有好大分别，系另一个层次同级别，肉质好鲜！特别系牛五花油脂浓郁，超正！临走时发现午市有定食套餐，百几蚊可以一个人自己烧，萨摩牛就要二百几，日后口痕可以一个人来试一试。总括嚟讲上村牧场好食过牛角同烧肉Like ，牛角同烧肉like系比较平民虽然系平，但系一分钱一分货，反正都系要俾几百蚊宁愿食好啲。