倫哥火鍋私房菜 (已結業)

呢间店想去好耐，今次终于到机会去，之前其实问左几个曾经去过的朋友食评，都系好评多，所以对今次都充满期望。有两个前菜系青豆同木耳，都几入味。之后仲有炆鲍鱼同埋象拔蚌刺身，正呀。调味料有五款，豉油好好味！跟著就到鸡煲，拣咗小辣但都唔觉辣，哈哈。鸡煲可以加鸡，我哋加咗一份…发觉全部系骨位比较多…对比本身全部都系肉，差好远。啲鸡明明唔太肥都不停爆油出来，好彩会转煲打边炉。火锅汤底选择几多，打边炉料系任食，仲有部份海鲜都系任食！有蟹有虾有好多款蚬同蚌...全部都好新鲜同埋冇沙，值得一赞。饮品任饮，最后仲有甜品，我同朋友食到好饱呀…埋单一人唔使$300，抵！