黑炙 (已結業)

肥柑太转左工作时间，可以系我Lunch过黎揾我食饭，于是大家就去左湾仔食下日本野，有次行过见到黑灸出面装潢几特色，于是就提议去帮衬。由于食午饭时间比较多人,而我又无预先订位，所以就要系出面等大约5分钟。顺便睇下间餐厅既介绍，发觉佢地出色既系串烧，用信州备长炭去烧，烧出黎既食物特别内外均匀，而且有一阵天然香味。入座时，发觉店面唔大，大约只可以有十台内，我同柑太就点左炸猪排饭定食同埋烧物定食大家些牙。前菜先上一个冻豆腐同埋沙律，沙律既菜几嫩同新鲜，无乜雪味，而豆腐配上萝卜蓉，淡淡既豆腐味道更显特出。之后就猪排饭，大大块猪排竟然畀另一间炸猪排专门店(两个字既)好食，最近一次帮衬两个字果间店，发觉D猪排又硬又无汁。呢间反而炸得好好味，猪排新鲜炸起，炸皮极脆，入面猪排嫩滑入口松化。白饭底系煲得刚好既珍珠米，而味噌汤既白味噌底好清好易入口，食完油腻既炸野再饮啖汤真系享受。而柑太既烧物定食更加一流左起：冬菇、免治鸡肉、鸡肉、黑豚、豆腐及露笋冬菇烧得好好，食落仲有汁滴出黎，免治鸡肉一般，串烧鸡腿肉同黑豚好好食，黑豚肥瘦平均，每啖都食落都觉得自己食紧顶级和牛，鸡腿肉既皮好薄，一烧就好脆，搞到平时唔食鸡皮