影片
更多
2017-06-03
468 浏览
住东区嘅朋友知道拉面店「八沢」晌上环开咗分店，属小店经营，叫我不妨试吓。老实讲，东区就真喺唔多会入去，但上环离公司算近，即管试试友人嘅推介，睇睇喺咪咁正。所以，就顺便约埋个亲友聚聚食餐「面」讲吓近况。讲明喺小店，地方就梗喺唔太大，基本上，装修简约，但餐厅尾化身成怀旧日式木屋，可见店主都花咗啲心思。此外，亲友本身都画开画，所以，墙上嘅彩绘就最吸引佢眼球，影完相再打量，睇吓喺咪手绘，佢话画得几靓。坐低后，店员会放上一大张餐牌，可以直接写晌上面点餐。前页喺一系列乌冬、拉面、串烧及炸物；另一面就喺小食、锅物及饮品。温提一句，餐厅设最低消费$60，不过，基本嚟食碗面都一定过。此外，有10%服务费，亦有收开瓶及切饼费，但就无讲几多钱，唔知会唔会实质执行，但以小店而言，呢啲小费予人感觉唔太好。心谂，应该都好少人嚟拉面店庆生带蛋糕嚟切。明太子鸡翼 $30 / 2只、牛乳忌廉饼 $28明太子鸡翼又喺友人叫我必试，我哋就再加一客 牛乳忌廉饼。明显前者抵食啲，鸡翼去咗上截骨位，酿入满满嘅明太子，一口咬落去，啱啱炸起嘅鸡翼非常香脆，咸辣嘅明太子令鸡翼更惹味，又啖啖肉，食得够晒畅快。而牛乳忌廉饼炸得甘金唔油腻，
讲明喺小店，地方就梗喺唔太大，基本上，装修简约，但餐厅尾化身成怀旧日式木屋，可见店主都花咗啲心思。
此外，亲友本身都画开画，所以，墙上嘅彩绘就最吸引佢眼球，影完相再打量，睇吓喺咪手绘，佢话画得几靓。
坐低后，店员会放上一大张餐牌，可以直接写晌上面点餐。前页喺一系列乌冬、拉面、串烧及炸物；另一面就喺小食、锅物及饮品。
温提一句，餐厅设最低消费$60，不过，基本嚟食碗面都一定过。此外，有10%服务费，亦有收开瓶及切饼费，但就无讲几多钱，唔知会唔会实质执行，但以小店而言，呢啲小费予人感觉唔太好。心谂，应该都好少人嚟拉面店庆生带蛋糕嚟切。
明太子鸡翼 $30 / 2只、牛乳忌廉饼 $28明太子鸡翼又喺友人叫我必试，我哋就再加一客 牛乳忌廉饼。明显前者抵食啲，鸡翼去咗上截骨位，酿入满满嘅明太子，一口咬落去，啱啱炸起嘅鸡翼非常香脆，咸辣嘅明太子令鸡翼更惹味，又啖啖肉，食得够晒畅快。
而牛乳忌廉饼炸得甘金唔油腻，同样好脆身，里面嘅牛乳软滑有奶香，似喺加咗啲薯蓉，因为入口口感较实在啲。
广岛蚝肉碎乌冬 $78乌冬以石碗盛载，甚具和风气息，睇起嚟份量十足，伴以唔少昆布同葱；
成碗乌冬最有睇头就喺啲广岛蚝，既大粒，又饱满，肥嘟嘟咁，蚝味突出又鲜甜，食得出喺有质素嘅食材，反而肉碎唔多；
乌冬质感喺点呢？煮得滑溜，海鲜汤底OK啦，唔会有种好突出嘅感觉，整体而言，个乌冬都算唔错。
黑蒜灸烧极浓黑豚肉拉面 $78小弟钟意食揾面多啲，又喜欢黑蒜油，依个拉面就啱晒我，仲以原煲上枱，够晒型。先尝一口汤，汤底如何呢？猪骨汤底浓厚适中，香浓得嚟唔会太浆口，而黑蒜油亦唔算下得太多，算喺点到即止，但估唔多仲加咗一大羹金蒜粒，所以，结果蒜香澎湃，其实都可以唔需要，反而俾客人选择加唔加就仲弹性啲；
溏心蛋单睇外观做得不俗，蛋黄凝固细腻，十分浓香，不过，雪白嘅外身就知无加入酱油去处理过；
今次碗拉面就唔喺配叉烧，而喺灸烧极浓黑豚肉，细数共有4大片，薄切嘅黑豚厚薄均一，烧得带点焦边，入口有份烧烤味，感觉亦唔油腻；
拉面用上曲面，佢哋亦唔兴拣硬度，啲面条入口有微微腍身。
单观乎今晚嘅食物，水准不俗，但仍有提升空间。晌香港，拉面店真喺开到成行成市，竞争激烈，正所谓物竞天择，适者生存，希望小店继续努力，做好啲出品，到时个名自然「沢」地有声。
张贴
