Bamboo Thai (屯門市廣場1期)

营业中

休息中

难得放假，去咗屯门𠮶边郊游顺便影吓相。行到有啲攰，就去咗屯门市广场觅食😋由于头先行到好热，所以都想食吓泰国菜，谂住会开胃啲。所以就去咗呢间Bamboo Thai食午餐。青木瓜虾沙律酸酸甜甜，味道几清新。份量不多不少，作为前菜啱啱好，胜在够开胃。另外仲叫咗个脆炸猪肉春卷，应该系啱啱炸好，热辣辣，用生菜包住嚟食几好味。跟住就叫咗个火山排骨。店员好细心，见我哋得两个人，就话俾我哋知叫细份已经得。呢过用排骨砌成嘅火山，卖相真系几吸引。食起上嚟酸酸辣辣，有少少停唔到手嘅感觉。最后叫咗个越式生牛肉汤河。味道都系合格嘅，冇令人失望。