樂天經典 (已結業)

近排见到openrice有promotion，所以就约埋朋友黎食！餐牌选择都几多，唔愁无好野食！一坐底见到有我最中意既蒜香红海哲头就叫咗个，唔好望落细细碗，食落都几多同埋劲入味！再黎叫咗两个小菜：荔枝咕噜肉同砂煲花菇西兰花扣海参。咕噜肉唔知系咪因为有别于平时净落菠萝，加埋荔枝令到佢味道更加丰富更加甜。砂煲花菇西兰花扣海参都相当好食，入味唔再讲，海参同花菇都相当冧同大只！完全物有所值！！最后重头戏系黑楜椒蟹，劲大只之余啲肉又劲鲜甜入味，完全系必叫之选！呢间餐厅绝对会再同朋友黎食！