Asiri

营业中

休息中

今年喺Asiri年食咗个制作认真、价钱亲民嘅情人节餐，好开心呢~套餐有两款汤拣，我哋就试晒两款~粟米汤好香浓，好似饮紧牛油粟米咁，好满足。另一款好似系日式嘅清汤，味道有啲似日本酒店早餐饮嘅洋葱汤。沙律上面有只靓靓嘅温泉蛋，捞埋新鲜爽甜嘅沙律菜一齐食，正。主菜本来想拣鸡脾汤咖喱，但鸡脾卖晒，于是转咗炸鱼柳汤咖喱。惊炸鱼柳浸咗喺汤咖喱度变淋晒？原来索咗汤仲正！汤咖喱充满浓郁嘅蕃茄、洋葱同香料嘅味道，配上颜色鲜艳，味道香甜嘅蔬菜，大大碟饭好快清晒。另一主菜本想加钱转和牛扒，点知都系卖晒，店主好好人，主动提议转普通牛扒，唔使加钱~牛扒一上枱，超级香！影咗一张相（原来蒙蒙地）就忍唔住要塞件入口~有牛味同油香~有咬口~正~仲连配菜都有烧过~又香又甜~其实已经好饱，但仲有甜品同餐饮。蓝莓蛋糕唔太甜，超好味~抹茶布甸同上面啲红豆，竟然好似喺日本食一样咁好味！饮品味道ok，但失色于美食同甜品嘅光芒下，哈哈。