我愛慢煮 (孖沙街) (已結業)

慢煮呢个烹调方式系最近几年先系香港兴起，所以都唔系好见香港有慢煮餐厅。最近经过上环，见到【我爱慢煮】，好明显就系一间食慢煮既餐厅，简约工业风又几特别就入去试试啦。【我爱慢煮】系半自助形式餐厅，order、俾钱、餐具等都系要自己出去，所以就无收加一。全部食物都价钱合理，地方虽小，食物种类都好多，而且有多一层座位！独食烧烤盘：包括24小时烟熏烤安格斯牛肉、24小时烟熏烤美式猪腩、烤香肠、沙律、薯仔沙律、车厘茄、63度温泉蛋同比利时窝夫全部肉都好软，安格斯牛肉香浓牛味，美式猪腩D sauce好特别、但唔会太heavy，薯仔沙律偏港式、几特别，63度温泉蛋无咩味道、记得要先加调味，比利时窝夫比较扎实、上面加芝士、咸咸甜甜好味！8小时蜜糖香草鸡锤：好juicy又好软，鸡锤好入味，好浓香草味！24小时法式油封鸭：肉好软、不过味道较淡，可能要加少少盐调味。不过以呢个物超所值既价钱系香港食到油封鸭，非常不错！炸番薯条：搭配松露酱、咸甜搭配非常出色！而且新鲜炸起！荔枝接骨木花特饮：非常清新又唔会太甜！非常推佢地既特饮！