影片
更多
2021-11-30
678 浏览
之前已经听过住喺湾仔热爱法国既一位朋友食过呢间店嘅意粉几次，力推，话抵食好食又超值既正宗法国意大利粉。终于喺上星期五晚26/11/2021同朋友去呢间店食意大利粉。我哋大约夜晚6点几去到，虽然呢间店主打外卖，但店外有两张长枱同长櫈，我哋就坐低食。店既老板两夫妇都系法国人，大厨亦都系外国人，佢哋好nice，尤其系老板娘知我第一次黎食，逐一为介绍意粉。最后，我点咗Ratatouille spaghetti，朋友就点Meatballs fettuccine，点埋onion rings share食，亦点咗𠮶日既soup of the day ‘’南瓜汤‘’。 跟住就一直同老板娘边倾计边等嘢食，原来佢哋间店开左个几月，现时开星期一至五，迟啲可能会开埋weekend。啲意粉嘅材料同份量都好多，又多汁唔会干，新鲜热辣好好味，加埋少少芝士粉，更香更好味😋。洋葱圈又大又脆，老板俾咗啲BBQ酱同茄汁，点埋超好食呀！好耐无食过洋葱圈，下次一定会再点。至于南瓜汤系我暂时饮过最好饮既南瓜汤，质感好滑，饮落去有少少南瓜既丝，好creamy，加埋少少黑楜椒，味道更正。如果净叫呢个汤配洋葱圈既话，真系人间极品呢！老
啲意粉嘅材料同份量都好多，又多汁唔会干，新鲜热辣好好味，加埋少少芝士粉，更香更好味😋。洋葱圈又大又脆，老板俾咗啲BBQ酱同茄汁，点埋超好食呀！好耐无食过洋葱圈，下次一定会再点。至于南瓜汤系我暂时饮过最好饮既南瓜汤，质感好滑，饮落去有少少南瓜既丝，好creamy，加埋少少黑楜椒，味道更正。如果净叫呢个汤配洋葱圈既话，真系人间极品呢！
老板话有时soup of the day会系洋葱汤，我同朋友都好想试，我相信好快又会再去encore，希望下次饮到法国洋葱汤啦！
57 浏览
2 赞好
0 留言
张贴
