卅二公館

营业中

休息中

今日嚟咗呢一间高级中菜厅，真系大开眼界，无论食物以致服务都系非常高嘅水准。第一样想讲嘅系樱花虾萝卜糕，平时食到𠮶啲樱花虾一嚟冇咁香二来好多时都食到啲虾壳，呢一度完全唔会出现呢啲问题，设成三角形嘅樱花虾萝卜糕煎香咗之后栋高上碟造型非常之靓仔。第二样要讲嘅就系黑椒和牛酥，佢个样就好似平时𠮶啲萝卜丝酥饼咁样，而佢个酥饼皮做得非常之松化，好好味。第三个点心系原味鲜肉小笼包，佢嘅小笼包嘅皮做到好薄，夹嘅时候要特别小心，入面嘅汤又唔会太滚，唔会灼伤个口。佢啲鲜肉都用了非常靓，好香猪肉味。第四样系脆皮鲜虾肠，呢个点心都系做得非常之好，呢种脆口嘅肠粉其实好考师傅嘅功夫，因为肠粉皮嘅温度同埋湿度直接影响佢炸脆咗嘅部份，另外就系由师傅整好直到食客入口就真系要同时间竞赛，所以如果想做得好，要考虑嘅嘢系非常之多，呢度做得非常好。最后一样亦系我觉得最好食嘅一样，就系鸭丝沙律，用了非常新鲜唔再讲，佢𠮶个沙律菜有和荞头、冰菜、车厘茄等，佢个汁做得非常之好，另外入边有轻微金甘苦苦嘅味道， Mix埋就成件事好balance，好好味。