影片
更多
2019-09-23
2451 浏览
又系荃湾呀各位，鬼叫你个老友住荃湾咩，不过不能否认荃湾真系好多又平又抵食既餐厅，今日等埋个老友收工去食晚饭，大鸿辉大部份餐厅都食过，今次见到间写住火锅天富罗刺身样样餐既稻八餐厅，就上去试下啦今次拣左米国特上牛肉套餐，事关我地两个都系牛肉控，紧系食特上牛肉啦！然后就系拣汤底，见有个冬荫功毛蟹汤底，就嚟个日泰火锅crossover 啦，试新野系我地既使命！😂就睇下个combination 夹唔夹先毛毛蟹锅到喇！都真系好香冬阴公味，入边有青柠，香茅，香叶，仲有啲姜癖腥味，辣就唔辣，酸酸味味好开胃！正只毛毛蟹仲有好多膏㗎👍🏻👍🏻见佢仲有刺身可以单点，就叫左几件试吓，入座后仲俾埋张雪糕纸for返三种牌子嘅雪糕，不过其实唔止呢三只雪糕，入面仲有部大雪柜有各式各样唔同嘅雪糕放题。酱料款式居多，最抵赞之处系佢有日式前菜，水未滚可以攞住啲嚟食医下肚先，中华沙律够晒爽口，充斥香喷喷嘅芝麻油，螺肉同埋八爪鱼都好好食，出面现成买𠮶啲通常都好甜，但系呢只好岩我口味，唔会太甜浆住把口。蔬菜类你谂得到嘅都有，全部自助形式，想食几多就拎几多，而且新鲜清甜可口。丸类加加埋埋成十几款，想食边样拣边样，不过都系果句食得晒先
今次拣左米国特上牛肉套餐，事关我地两个都系牛肉控，紧系食特上牛肉啦！
然后就系拣汤底，见有个冬荫功毛蟹汤底，就嚟个日泰火锅crossover 啦，试新野系我地既使命！😂就睇下个combination 夹唔夹先
毛毛蟹锅到喇！都真系好香冬阴公味，入边有青柠，香茅，香叶，仲有啲姜癖腥味，辣就唔辣，酸酸味味好开胃！正
只毛毛蟹仲有好多膏㗎👍🏻👍🏻
见佢仲有刺身可以单点，就叫左几件试吓，入座后仲俾埋张雪糕纸for返三种牌子嘅雪糕，不过其实唔止呢三只雪糕，入面仲有部大雪柜有各式各样唔同嘅雪糕放题。
酱料款式居多，最抵赞之处系佢有日式前菜，水未滚可以攞住啲嚟食医下肚先，中华沙律够晒爽口，充斥香喷喷嘅芝麻油，螺肉同埋八爪鱼都好好食，出面现成买𠮶啲通常都好甜，但系呢只好岩我口味，唔会太甜浆住把口。
蔬菜类你谂得到嘅都有，全部自助形式，想食几多就拎几多，而且新鲜清甜可口。
丸类加加埋埋成十几款，想食边样拣边样，不过都系果句食得晒先好拎啦！我最爱嘅蟹粉包同墨鱼丸都系用贵果只，即系唔会系平时街市买𠮶啲cheap鸡货，全部都好好食。
图片最侧边有两个电饭煲，入面系日式咖喱同埋白饭，果然系乜都有既放题，选择众多，虽然我冇食，不过打开个煲八卦𠮶阵时都闻到好香喇！
因为太多食物所以我将啲相come by 成一张。介绍返，以上嘅肉类都系套餐包嘅，可以无限refill ,最好食梗系特上牛肉啦！油花分布平均，牛味香浓而嫩滑！好正！进口牛肉都唔差，唔同其他铺头用冰鲜肉，牛味虽然唔够特上牛肉咁浓味，但胜在一啲都唔韧！食几多都唔厌😋豚肉爽口弹牙而且薄切，豚肉味更突出，一啲都唔肥腻！羊肉唔会苏，平时唔多食羊既我都接受到！上面嘅鸡肉系嚟自北海道，本来以为白靸鸡肉会好韧，但套餐包埋都试吓啦，点知又唔系㖞，一试爱上，唔单止一啲都唔韧，系可以用淋同滑去形容，而且无流失鸡肉既味度！赞！
呢度唔只有得食仲有得玩㗎，呢个自助式天妇罗烹饪区，首先喺隔离雪柜拣咗自己钟意嘅食材，然后就可以喺旁边自己炸，想香脆啲又得姐！
旁边仲有唔同嘅调味粉可以自己加返，咩味都有！萝卜蓉都有，如果有埋沙律酱就冇得顶喇！👏🏼
刺身都好新鲜好好味，一定要追加！
餐厅店员服务都好周到，一眼关七，见到汤底冇汤嘅时候，呢头谂住叫𠮶头已经拎住碗壶过嚟加，另外雪柜嘅饮品都属于比较贵价嘅饮料，连sunkist既西柚汁都有！呢度唔单止嘢食种类多，汤底，饮品同埋甜品嘅种类都好多，打边炉，天妇罗，刺身。。。一次过满足晒所有人嘅愿望，咁大围食饭就唔使再就来就去啦！推荐👍🏻
张贴
