東大門韓國料理 (已結業)

韩风潮流带起既韩烧文化都好岩香港人口味，经朋友介绍下同女朋友去吃到饱，所以拣呢间任食韩烧。等紧食物既时候，已经有好多炸物同寿司食，味道仲十分好食。野饮最好多选择。呢三样系我个人必食推介，薯条可再加盐同黑椒，十分惹味。春卷足料又够脆，炸馒头加练奶，一绝，外脆内软。夹夹下熟食仲闻到呢个冬阴功汤又香又浓，即刻饮左2碗。推介大家肥牛可以用快抄既方法整，肥瘦分布都好好，点埋个酸辣酱食，食到停唔到。海鲜拼盘，好鲜甜，个带子仲要系连壳嫁，食材方面做得好好，蚬仲好鲜甜有小小天然海水味，虾直头系必食之选，非常爽口弹牙。五花腩就咁食就香口惹味，仲可以包埋其他配菜食。全部食物都好入味，酱料好味，职员服务都好好，周时教我地点烧，岩晒我呢d唔识煮野食既人。