呦呦鹿鳴布丁燒

营业中

休息中

葵广出名多好嘢食，特别系最顶果层。次次经过呢间布丁烧，门口都会好多人聚集。不过之前觉得价钱有少少贵，所以一直冇试过，不过见到咁多人推介，就一于今日买嚟试吓啦。铺头嘅装修好靓，门口画左好多唔同嘅画，好适合打卡。而啲布丁烧就放晒喺雪柜度，任君选择。每个都整得好精致，而且面头画嘅图案都好靓。本身见到呢个回魂布丁烧好似好吸引，但系最后都系拣咗云呢拿布丁烧。一食落去𠮶种云呢拿味好香，同个布丁烧好夹。本来我以为布丁烧系同布丁同一样嘢，食落先知有分别嫁。不过我唔知点样形容，布丁烧系好味同特别好多。你哋想知有咩分别，就要自己黎试吓啦。虽然价钱感觉上系有少少贵，不过系值回票价。我下次经过都会再买黎食啊。原来呢间布丁烧仲会接谢师宴，或者百日宴嘅单，迟啲辞职果阵买散水饼都会黎呢间呀。