犇之食堂 (已結業)

红日嘅铜锣湾人多又车多🚖，加上又啱啱打完风，街上非常之挤拥😑，所以就行咗去少人啲利园果边嘅白沙街度食，估唔到又有惊喜😋。犇呢间餐厅睇门面好似系日本餐厅，但其实系食台湾菜。铜锣湾嘅台湾餐厅都唔算太多，比较出名嘅有登龙街嘅灯笼老味🏮同希云街嘅乐面牛屋🐮，而呢一间可算系我觉得第三间真心好食嘅台湾嘢😋。首先，我哋叫咗个盐酥鸡卤肉饭🐓，卤肉饭非常香口得黎亦都唔会话太油，而盐酥鸡就炸得啱啱好，唔会话太㶶太油，食落去真系一试难忘😋。之后，我哋叫咗个丫爸皮蛋豆腐🥚，佢其实系一味将皮蛋碎同少少碎嘅豆腐混合一齐再加个酱汁，食落好感受到皮蛋同豆腐嘅香，配埋个酸酸甜甜嘅酱汁，真系令人停唔到口😋😋。最后，我哋仲叫咗个牛肉面🐮，我自己觉得牛肉面都好味嘅，但系就唔系话太特别🤷🏿。总结来讲，呢间算系喺铜锣湾入面味道中上嘅台湾嘢（虽然价钱都系中上💵），十分推荐大家去试吓👍。