Rotiboy Bakeshoppe (已結業)

之前都听过呢间主打榴梿包嘅店，见团购卖紧围返大约5蚊个包就试下佢。榴梿包: 拎上手系热嘅，好赘手下，比坊间卖嘅墨西哥包大。食到4份1左右开始食到榴梿馅，榴梿味都几香浓但馅唔多，只有薄薄一层。榴梿fans如为食猪会觉得唔多够喉，但个包本身就几饱肚下。咖啡包: 同榴梿包size一样，离远已经闻到好香好香嘅咖啡味。包入面冇馅嘅，只有薄薄一层咸牛油。重口味患者为食猪觉得有啲单调，如果入面揸嘅系咖央酱应该会更夹。总括嚟讲热食的话外皮脆用料都几足，以团购价就好抵食。拎到返去就算整热都系差啲，最好即买即食。