祥利車仔麵 (西洋菜南街) (已結業)

作为香港人点可能冇食过车仔面？中意车仔面系因为要食咩完全系随心所欲，饿底食大碗D又得，想试多几个𩠌又得，想食少少嚟个净𩠌又得。今日试嘅哩间祥利车仔面，无论从装修到食材行嘅系新派路线，以木系装修为主，食物除咗传统港式风味，仲加入日式元素，汤底同日本拉面一样用大量豚骨猪皮加配菜熬制，都几特别！三𩠌车仔面($38起)，因为今日吾算饿，所以点了净𩠌，其中最吸引莫过于可以拣选原件花胶，真系女士恩物。花胶入口软身又吾会韧，浸泡在汤头中非常美味，可以补肾补肺、滋阴养颜，在车仔面店食到实在有惊喜，建议嚟食嘅一定要试下~其次系日式叉烧，入口嫩滑，肉味香浓。晚市九格定食($108)，哩个九宫格非常特别，首先卖相已经吸睛，充满日本风，最适合想试多几味但系又惊太饱嘅人~而九种食物分别为猪手、猪软骨、醉鸡翼、墨鱼饼、溏心蛋、花胶汤、秋葵、冬菇、萝卜，仲跟乌冬同白饭各一，种类多样，真系大满足~花胶汤里面系原块花胶，唔会太咸又滋补，而猪手同猪软骨就胶质丰富兼肥美，补充骨胶原岩晒喇！另外个溏心蛋都绝对系超班之作，有惊喜！小店坐落西洋菜街，位置便利，行过路过可以一试~