湄南 (已結業)

今晚Mr.J去饮，我唯有揾细佬同我一齐食晚饭。既然细佬同我食，当然要带佢去食平时唔会食嘅野啦。今次叫咗1)越式生牛肉汤河(喇沙汤底)(2)火车头(3)香芒米纸卷(大虾)平时去越南餐厅食生牛肉汤河都只有清汤底，今次竟然仲可以拣喇沙、沙嗲、蕃茄或咖喱，感觉好新奇(我最后拣咗喇沙汤底)。嚟到嘅时候好惊喜，啲喇沙酱铺满哂成碗汤河，但牛肉又唔会熟哂，挺嫩，不错。啲河粉同牛肉嘅份量都几多，一个人食都几饱。火车头汤河有生牛肉、牛筋等等，牛筋虽然得一件，但好大旧。成碗汤河连大食嘅细佬都话饱。香芒米纸卷(大虾)叫咗之后话无哂芒果，问转用菠萝得唔得，当然可以，反正未试过菠萝米纸卷。一碟有6件，每件都有一只虾，都算真材实料。用菠萝嘅感觉唔错嘅，不过我都系喜欢芒果好啲。