茶木‧台式休閒餐廳 (黃埔天地)

营业中

休息中

黄埔呢间茶木坐位阔落，灯光柔和，整体环境舒服。叫咗两个晚市升级套餐加小食，茶香三文鱼汤溃饭，升级配黑糖姜母茶同可颂窝夫，同乌鱼子元贝手作面，配士多啤梨特饮，同埋雪糕。先来黑糖姜母茶，入边好多姜丝，黑糖同姜味浓郁，饮完成身暖晒。士多啤梨特饮，卖相好靓，草莓味浓郁，口感有啲沙冰，同上面啲奶盖好夹。跟住就嚟三文鱼渍饭，三文鱼都几厚身，即刻加啲上汤落去，配搭埋啲虾米、脆米同木鱼丝，超级鲜甜。三文鱼整得刚刚好，唔会太硬，同茶渍饭好夹。元贝手作面卖相都好吸引，有两粒煎到脆卜卜嘅元贝喺面头，底下好多配菜。面汁味道系非常浓郁嘅芝士奶油味，同蔬菜、菇类同埋元贝都好啱。手作面都好好食，烟韧弹牙。再来三杯鸡配新竹米粉，三杯鸡香味浓郁，杏鲍菇炒到好鲜甜。有个慢火玻璃兜烧住，味道越嚟越浓。小食盐酥鸡，起初望落好似有啲干身，点知食落去都几多汁弹牙，面头炸粉又唔会太厚，估佢唔到。台式烤香肠，香肠甜甜地，有少少弹性，都几好食。窝夫，好香嘅牛油味，同上面啲杏仁片味道配搭好好，口感一流。雪糕就好浓嘅奶茶味，配好多弹牙珍珠。