泰地道 (文苑樓) (已結業)

同朋友黎试新开既泰国菜，个人觉得好赞，店员推介左烧牛肉同三文鱼沙律，其他我自己拣:5成熟烧牛肉，因为怕膻味，平时好少食牛肉既我都试一旧，竟然我最后系食左3旧，烧牛肉食落一啲都唔膻，面都胡椒好香，肉好juice，点埋佢个汁真系绝，三文鱼沙律我都系第一次试，原来泰国汁配三文鱼都几好食，平时食多几旧会觉得好腻，新配搭好好食，再黎食个梅子肉碎蒸鱼，啲鱼肉好滑，啲汁好开胃，生菜包，肉碎唔肥炒得好香，生菜够新鲜，烧肉炒椰菜苗，烧肉我觉得有啲肥(我钟意食瘦肉多啲)，椰菜苗好爽脆一啲都唔老，最后既甜品，梗系要食芒果糯米饭(我每次去泰国都会每日食一个，店员一早话帮我留定，因为好快卖晒)，真系好特别，佢既糯米饭系沟左斑兰同蓝蝴蝶，好香，椰汁好浓又唔太甜，差左少少系因为店员话芒果唔系季节，所以唔够甜，整体黎讲好满足。