Mad for Garlic (已結業)

呢间完全唔似韩国餐厅，虽然话系用蒜头整嘅食物，但系又唔似平时食个种蒜头，佢唔系中式蒸蒜头，反而系将个蒜头炸，所以食落去我觉得好似冇咁口臭😂😂😂但蒜香就无甘大！环境阔落，舒服！蒜味Pizza，睇落去好似好单调，但系几好食，几特别！呢个蒜头包，好似系几受欢迎嘅食物！个样虽然好特别，但系个人觉得味道就一般，甚至乎我觉得，平时普通一件蒜头包还要好食！但系呢个包都带来不少趣味，因为职员会喺我哋面前将啲蒜头，吉入去个包入边，然后切开佢俾我哋食，其实都几搞笑！呢碟系餐厅职员介绍，佢话系好辣但系佢好钟意食，睇吓我哋够唔够胆试！一上碟，我哋心谂系咪送错左？！个样一啲都唔觉得辣，食第一啖嘅时候都以为冇乜嘢，点知愈食就越辣，辣到冲上个脑！但系，成餐入边我觉得佢系最好味㗎 ！值得一试！🥰🥰🥰🥰啲牛肉好红，渗晒啲血水出嚟🤪反而主角好似变咗系蒜头，我哋都争住食蒜头！呢块皮，单食都觉得几好食😋呢个饭有一啲明太子喺度，所以质感唔错，都几好食！