亞來麵檔

营业中

休息中

食物质素 7/10收工去上水揾食，朋友话要带我去一间特别既舖头食车仔面，一于就睇下有几特别！猪颈肉生菜冬阴公汤底米线先讲一讲个冬阴公汤底，汤底够酸惹味，但系就若嫌唔够辣，以一个要加$3既车仔面汤底黎讲，几特别，可以一试！叫左两个送，猪颈肉同生菜。猪颈肉入味，有炸过，外面少少脆入面软身，口感一流！生菜吸晒个汤底，好正！至于个米线就麻麻啦，煮得好烂，每一条都好碎，完全夹唔起黎食，要揾个汤匙食，所以下次再食唔会叫米线啦椰汁红豆冰红豆煮得唔够淋身，偏硬，而且无甜味，不过不失，唔算系好饮。环境卫生 8/10环境大，坐得舒服，个装修有啲台湾既风格。服务质素 8/10落单之后上菜都好快！