影片
更多
2019-06-05
3434 浏览
老公生日唔知点样同佢庆祝好，近排都好沉迷食omakase, 一嚟唔使自己谂食乜嘢，二黎厨师帮你安排嘅嘢通常都系最新鲜嘅食材，所以老公生日都谂住带佢去食omakase ，系好好嘅环境之下好好庆祝一番。见到OpenRice呢间泷有唔少好嘅评语，虽然价钱唔系特别平，不过呢啲重要嘅日子梗系要豪少少，最主要嘅系我见到餐厅嘅环境非常之好同埋食材都比较特别精致，下定决心带老公俾老公开心下。总共有三个套餐，分别系$880 $1280同埋$1480。 我哋就拣咗$1280同埋$1480嚟食。呢两个套餐最大嘅分别就系$1480多咗个日本牛肉，不过呢个日本牛肉真系超级超级好食俾我拣多次应该两个都会叫1480一嚟到好好彩安排坐喺师傅嘅前面，除咗嘢食之外都系一种艺术嘅享受，可以睇到佢点样一样一样整啲嘢食出嚟，成个过程都系一种体验嚟嘅。一嚟到有一个好特别嘅类似水晶球嘅小食，系透明嘅波波，入面有啲云朵嘅。口感咬落去有啲似食啫喱，老公都赞话好靓。另外嘅前菜，有个鱿鱼非常之特别，好似叫做子持鱿鱼，入边有啲鱿鱼嘅蛋，好似仲要系一年剩系得四至六月可以食咋，咁啱我呢个时候可以食到，幸运刺身方便有三款，其中吞拿鱼拖罗超正，油脂
见到OpenRice呢间泷有唔少好嘅评语，虽然价钱唔系特别平，不过呢啲重要嘅日子梗系要豪少少，最主要嘅系我见到餐厅嘅环境非常之好同埋食材都比较特别精致，下定决心带老公俾老公开心下。
总共有三个套餐，分别系$880 $1280同埋$1480。 我哋就拣咗$1280同埋$1480嚟食。呢两个套餐最大嘅分别就系$1480多咗个日本牛肉，不过呢个日本牛肉真系超级超级好食俾我拣多次应该两个都会叫1480
一嚟到好好彩安排坐喺师傅嘅前面，除咗嘢食之外都系一种艺术嘅享受，可以睇到佢点样一样一样整啲嘢食出嚟，成个过程都系一种体验嚟嘅。
一嚟到有一个好特别嘅类似水晶球嘅小食，系透明嘅波波，入面有啲云朵嘅。口感咬落去有啲似食啫喱，老公都赞话好靓。
另外嘅前菜，有个鱿鱼非常之特别，好似叫做子持鱿鱼，入边有啲鱿鱼嘅蛋，好似仲要系一年剩系得四至六月可以食咋，咁啱我呢个时候可以食到，幸运
刺身方便有三款，其中吞拿鱼拖罗超正，油脂分布好好，一咬落去全部都系油。非常之满足。
另外佢哋嘅天妇罗我都好推介，炸虾天妇罗，只虾好新鲜。最重要嘅系佢哋嘅炸粉，好惊出边嘅天妇罗炸粉好厚，呢个炸粉唔厚之余，仲要系即叫即炸所以好脆。
另外到佢哋嘅重头戏，日本和牛我都好推介，质素可以讲话比出边好好多，和牛煎得啱啱好，大概三成熟，系由内到外嘅，越食越嫩，另外呢块牛排，唔好见佢细细块，但系真系好重牛味，仲要一啲肉渣都冇。
主食方面我就好推介佢地既荞麦面，呢只荞麦面同我哋平时食嘅唔同，系粉红色嘅，平时食啲荞麦面会有少少粗粗鞋鞋嘅感觉，但系呢个粉红色嘅荞麦面食落好爽口， 一chu上黎就停唔到口。
最咪仲有个甜品，系日本番薯嚟嘅，日本番薯超级甜，仲要唔系死甜𠮶只有番薯嘅香味。
总括嚟讲呢一间非常之满意，系一个好好嘅回忆同老公庆祝结婚周年。
张贴
