特餐

营业中

休息中

一日之计在于晨，每日嘅早餐都好紧要，我会试唔同嘅餐厅，呢间其实开咗好耐，但又唔见有人写食评，不过原因可能系我揾匀全间店都唔见佢个正式地址同电话，我试过问店员攞外卖纸！（因为要嘅资料齐晒）点知店员话：我哋唔做外卖！ （无话可说），今日一早又去食早餐，地方系西餐厅格局，坐到卡位，唔会好迫，见到个应该系老细（因为佢好有权威咁叫店员做嘢！）我又试下问佢攞地址电话，佢好快咁比晒我！终于攞到正确资料！ 佢个名叫蕃茄汤专门店，但我今日无食蕃茄汤 早餐选择多！唔系平时茶餐厅选择，我拣了：生菜杂菇米粉：清清地素食，生菜唔知点解会变了椰菜？ （店员又无讲）不过味道都唔错！比生菜多啲爽口！杂菇片好多，主要系罐头蘑菇，弹牙！米粉正常，猪骨汤底浓味，不过像味粉沟出来，比较咸！整体好味！热柠茶：够热够浓，茶底唔涩，好味！食物上得好快，店员好勤快，同我哋有倾有讲！服务正常！店内无厕所，要去附近嘅公厕！公厕虽然好大间舒服，但如果天气唔好都几唔方便，因为要过马路！