團日式拉麵

营业中

休息中

团拉面以前都有食过，觉得一般啦，喺荃湾有几间好食过佢，所以都甚少再帮衬，今次见佢出咗特别版蚬肉拉面，先至去试吓。本身谂住堂食，但有突发情况变咗外卖。堂食拉面点都好食过外卖，起码热都热啲，唔够热会变咗有碱水味，仲要今次有蚬，我都惊会腥。我嘅担心系冇发生到，汤可能冇咁热，不过都好好食。蚬肉拉面，有五、六粒蚬，其中一粒死咗冇开口🥲，其实啲蚬有少少沙，不过我自己可以接受，主要系食佢个汤嘅鲜味。加咗蚬嘅汤真系好鲜好好味。面本身外卖关系硬咗啲，要浸一阵，叉烧合格嫩滑有炙香，蛋都流心嘅，份量唔知系唔系外卖，我觉得少咗啲。另一个叫咗黑蒜拉面，一般般，唔系好香好浓。配料好似比较丰富，有葱、生蒜同炸蒜。我应该都会encore, 睇吓堂食系咪会再好食啲。take away有85折。佢部售票机真系好慢。