小糖鈕 (已結業)

.之前揾到位于尖沙咀嘅一座公寓，发现大厦三楼有一间好色彩缤纷嘅甜品舖，用左好多钮做店内装饰，都系佢地甜品其中一个特色。.今次叫咗柚轮，佢实质上系蜜柚葩菲拿破轮。拿破仑果个环轮好吸睛，有足够嘅厚度，口感非常松脆。雪葩系用新鲜生果做嘅，佢嘅口感似雪糕，比起沙冰幼滑好多。雪葩有种好清新嘅柚子味，配上新鲜嘅橙同蜜柚肉，一齐食好夹，但系蜜柚有少少苦。.白色果条系班兰味既蛋白条，不过我唔系太食得出班兰味，只系甜甜的。佢重用左唔同浓度嘅朱古力整左啲钮扣，好逼真好靓。 成个摆设好似一幅画咁，有啲唔舍得去破坏佢。.🧒🏻好中意切落拿破仑果下声，觉得好治愈。佢整嘅甜品创意力十足，唔似得出边嘅甜品一式一样。.所以我想俾大家睇埋依一个叫做冰镇玫瑰荔枝炖蛋。甜品一上就吸引到其他客人嘅目光，因为佢用左干冰系底，啲烟雾好梦幻。.甜品系好大碗，粉红色嘅炖蛋好滑溜，食起上黎有啲似奶酪。加上士多啤梨同荔枝肉嘅甜味，三只味加埋唔会好突兀。上面嘅玫瑰花好脆，店主介绍话要整碎玫瑰花同炖蛋捞埋食，有双重口感又有玫瑰花味。下次我会再去试下其他款式。