白羊 • 座

营业中

休息中

咁岩系大围同个女上完playgroup就揾下附近有咩好食！系火车站a出口一出就有好多餐厅，行下行下入左啲小巷到，见到有间餐厅叫「白羊座」个名几特别。再睇下个餐牌，野食都几吸引，就决定入去坐低食！之前听人讲过佢啲火灸热狗几好食，就叫左个火灸猪排热狗，另外见到有set lunch，就叫左个鸡排肠仔意粉！等左5-10分钟就有野食了！个火灸猪排热狗一黎到好香烧过既味道，个包入面就有滑蛋同猪排，猪排食落好juicy，加埋个滑蛋好正好特别！不过个意粉就普普通通，冇咩特别，可能个意粉系白烚既，所以冇咩味！同埋太少汁，多返啲会好啲！个人推介火灸热狗！因为真系好好味！