一鍋蜂 (已結業)

上个月忙到死，连情人节都唔记得咗，搞到第二日先买返一大束花氹番BB，到咗寻日先去补返餐情人节晚饭。今年搞搞新意思，唔去食西餐，改为食中餐。由于赶住去黄埔睇戏，又怕𠮶度啲食肆排长龙有排等，所以去咗土瓜湾附近揾嘢食。听啲同事讲最近试过𠮶度附近有间不错又唔贵嘅菜馆，就同BB去试吓啦！入到去，可能见到我哋系情侣，店员就安排我哋坐窗边的二人枱，初时都觉得好逼夹，但坐落之后，原来都好有情侣座feel。除咗环境，对我哋嚟讲最紧要梗系啲食物好唔好食啦。我哋点咗沙拉骨同上汤豆苗两个菜。沙拉骨：肉边脆卜卜，肉质滑嫩，炒得够镬气，酸酸甜甜都几好味。如果沙拉酱再多D会更好。上汤豆苗：汤汁好浓郁同鲜甜，豆苗色泽青嫩，可口。今次只系食咗两个菜，味道都唔错，我见到呢间仲有好多菜式，下次会再推介朋友一起来食。