Espresso Alchemy

营业中

休息中

餐厅位置好开扬，透过落地玻璃可以睇到外面嘅街道。本身餐厅内嘅座位都比较少，疫情底下再少咗座位可以安排，周末大概等咗20分钟。青酱烤鸡意大利三文治 $68三文治有烘底，表面系脆脆地。烤鸡肉偏厚但食落几嫩，而青酱味道对于我嚟讲就有啲太浓郁，番茄有略略减轻青酱味。厚切意大利烟肉卡邦尼意粉 $88意粉煮到啱啱好，唔会太硬或太软。意粉沾满卡邦尼酱，仲会食到有蛋黄嘅味道。而厚切烟肉丰富咗成个口感，烟肉分量都多，而且唔会煮到好干。Mocha $44Mocha味道好香浓，饮落口感好滑。饮品嘅拉花好靓，又可以打下卡。伯爵茶鲜奶朱古力 $40呢款朱古力嘅甜度较低，比较特别嘅系饮落会有淡淡伯爵茶香味，伯爵茶同可可嘅味道好夹。整体来讲，有啲食物都几特别，其他地方未必食到，而且价钱唔贵。