泰太廚房

营业中

休息中

与友人踩单车，3点几从堤坝落返黎，见到忠诚、芭堤雅都爆人，我提议去呢间「泰太厨房」，其实三间都未食过（第二日再入大埔食忠诚，觉得非常不堪，见我另一篇食评），因友人食烟，选择坐室外，环境非常特别，室外的木台与装饰都有一种置身于东南亚的感觉，坐低就即刻叫左几支Singha泰啤，有冰杯，加分！本来再点生啤($200/2L $300/3L)，好饮但唔平，但系店员话暂时没有提供，可惜。总共叫5个菜，生虾、虾饼、串烧、咖哩蟹面包、金边粉。生虾：有8只，唔平，$138。新鲜，酱汁够酸、够辣，但不够完美。元朗薄荷叶比它好。虾饼：无惊喜但唔差，炸完即刻拎出黎，够热，但都系唔平，$88。串烧：三串猪、三串鸡，烧得唔会太硬，容易咬，价钱忘记了。咖哩蟹面包：有用蛋花咖哩，但唔系成只蟹上，得蟹肉，食到有蟹味但分唔到蛋/蟹，面包焗得很脆，淋上咖哩汁后也不会太难切。金边粉：普通冇特别，相都冇影。去泰国无数次，食过n+1碟Pad Thai，好耐之后先知，原来Pad Thai就系金边粉，两者的名字好像同Phnom Peth(金边)一D关系都冇。