影片
更多
2015-10-17
3225 浏览
早排上网见到饮食男女介绍呢间新开既特式牛扒屋，话系立食，都几特别，当然要去试试！第一次试立食呢个方式，原来完全唔同平时果D形式，系先拣自己想食既种类，落单，揾个位坐就会有员工拎黎俾你！呢种形式都几新颖 入到去，有员工主动介绍有乜种类既牛扒食，同埋亦会介绍牛扒既分别，边一只食落既口感大约会系点，都几专业。而介绍当中得知原来呢度都有黑毛猪食，而且当日黑毛猪仲做紧半价添！不过我地本身钟意食牛，所以都系试下牛扒啦 呢度几得意，全部价钱都系以每克计算，食落多磅几多，以最少200克计算，平时食扒多数系计安士，所以克数真系唔识计，不过员工都好细心，佢介绍时候，亦主动话200 克大约7安士，等我心入面有个预算 另外，呢度仲可以加$30要个SET，有沙津，汤，同埋饭。饮品都有几款，咖啡，红酒同日本可乐，都几特别。经过员工介绍，我地就去拣扒喇！自己想要咩种类既扒，就可以同厨师讲，佢就会问你要几多克同生熟度。拣完就可以去收银处俾钱，而我地就拣左佐贺A4肉眼扒(约200G)，同埋安格斯西冷扒(约200G)，两块都拣左5成。开始烧喇！呢度有个半开放式厨房，仲可以睇住厨师烧扒 一开始入到黎，好似好细间
第一次试立食呢个方式，原来完全唔同平时果D形式，系先拣自己想食既种类，落单，揾个位坐就会有员工拎黎俾你！呢种形式都几新颖
入到去，有员工主动介绍有乜种类既牛扒食，同埋亦会介绍牛扒既分别，边一只食落既口感大约会系点，都几专业。而介绍当中得知原来呢度都有黑毛猪食，而且当日黑毛猪仲做紧半价添！不过我地本身钟意食牛，所以都系试下牛扒啦 呢度几得意，全部价钱都系以每克计算，食落多磅几多，以最少200克计算，平时食扒多数系计安士，所以克数真系唔识计，不过员工都好细心，佢介绍时候，亦主动话200 克大约7安士，等我心入面有个预算 另外，呢度仲可以加$30要个SET，有沙津，汤，同埋饭。饮品都有几款，咖啡，红酒同日本可乐，都几特别。经过员工介绍，我地就去拣扒喇！自己想要咩种类既扒，就可以同厨师讲，佢就会问你要几多克同生熟度。拣完就可以去收银处俾钱，而我地就拣左佐贺A4肉眼扒(约200G)，同埋安格斯西冷扒(约200G)，两块都拣左5成。
开始烧喇！呢度有个半开放式厨房，仲可以睇住厨师烧扒
一开始入到黎，好似好细间咁，原来行入少少都唔细间，而且仲有得上楼上添！我仲上左去睇过，上面同下面既格调唔同，上面较为光猛，而下面就比较暗，较有情调
呢度卖点系立食，但始终呢度系香港，所以迎合番香港人，都有D高櫈系度可以坐。
高櫈下面亦有个篮，可以放个人物品落去，唔怕整污糟手袋，加上墙上亦有围裙，可以预防整污糟件衫，都几细心。
呢度样样都令我觉得好新奇，因为呢度枱上面有个架，上面有齐所需既餐具同酱汁。呢度有好多唔同特式酱汁，有黄芥辣，忌廉芥末酱，柚子汁同黑醋。除左呢几款酱汁，仲有黑椒，海盐同埋薄荷酱。有唔同既酱汁，梗系要每样都试下啦！个柚子汁都好重味！而我最钟意就系黑醋同忌廉芥末酱。周围研究下，好快就有牛扒食喇！
热辣辣既铁板安格斯西冷扒黎喇！5成熟。都算大份，加上亦有配菜，有我最爱既粟米，好特别，呢度既配菜亦有芦笋，因为好少地方会有芦笋配。而扒既下面亦有洋葱垫住。 朋友食西冷，因为钟意食重肉味既扒，我都有试过，肉味好浓，口感唔错，有咬口。唔会好似某D地方咁腌到D肉冇哂味又霉。唔错！
而我就食佐贺A4肉眼扒，都系5成熟，见到脂肪唔会太多，岩岩好，食肉眼，就系钟意佢有油份既感觉。呢个扒加左$30要个SET，其实个SET系我朋友既，佢话个南瓜汤几好饮，佢平时对南瓜汤唔会话特别喜好，但佢都话好饮！而个饭都好特别，饭上面加左味素，好味！ 讲番个肉眼扒，扒上面有蒜片，都几香。肉眼烧得岩岩好，食落去唔会太肥，油花同瘦肉融合埋一齐，食落去牛肉既质感好嫩，入口有溶化既感觉。A4果然唔同 好味！食铁板唔好以为愈多汁愈好！多汁只会浸到牛扒霉哂，令牛扒质素下降，浪费左牛扒本质！当然，用咁多汁去遮盖牛扒只系得一个原因，就系本身牛扒质素差同埋用得太多腌料，所以唯有用调味掩饰。而呢度既铁板却食到原汁原味！抵赞
另外亦叫左罐红酒，食牛扒配红酒当然系正啦！但呢度既红酒唔系一杯杯，系一罐罐。好特别，唔好睇佢系罐装，都好好饮。可以一试！
题外话/补充资料：
服务唔错
(以上食记乃用户个人意见 , 并不代表OpenRice之观点。)
张贴
