春風三月 (已結業)

台式饮品店好似越开越多，而且各有特色。一杯三十蚊都走唔甩，虽然唔系平，但都一定吸引唔少人帮衬。春风三月又系因为被传媒报导而被人认识。店舖位于千色地下，因为系较少人路过嘅一边，都要揾吓！店舖主打手工珍珠，人手做，新鲜，天然，味道独特。每日都有限定嘅珍珠款式。冬天就买了一杯热嘅Baileys 复刻红茶。因为唔想烦，但其实珍珠同茶嘅口味都可以自由配搭，几好。作为热饮，温度略嫌未够热，只系暖。珍珠确系做得不错，咬落会有一丝丝甜酒味，而且好有咬口，个人几钟意。红茶系以独立茶包冲嘅，饮到红茶味外，仲有一阵烘焙嘅味道。茶味唔会太浓，同珍珠好夹。甜度拣半糖，已经好够，清清地，又饮到茶香。