慕茶 (已搬遷) 新店位置

特别的花茶味雪糕一行4人黎到观塘觅食，慕茶既位置离地铁站都系5/6分钟左右，但大厦入口有d难揾，由于我地9点半后先去，大厦已经熄晒灯，留番一两盏照电梯位，都几有Halloween feel ga! 揾到上楼先发现好多人！而且超过9成系女性顾客😂 铺面不大，但装饰得颇温馨；夜晚9:30后就last order la，要食既朋友要快手，好彩我地都系想试少少野所以都仲有得食 ！本身落左普洱+绿茶雪糕配waffle，但后尾黎左朱古力伯爵+绿茶，但算啦照食不误！ Waffle 其实系似蛋糕多d,茶味不浓，但几软熟 中间还是热辣辣的，蛋糕黎讲都几好食！但雪糕就有d失望，绿茶/抺茶味不浓，朱古力伯爵亦都要细尝先食到，可能食客搭配上要有技巧d 。另外仲试左心太软，系玫瑰味的！伴碟的除了有玄米茶味雪糕（推荐 ）仲有玫瑰干花，另加几份清新感！ 总括而言雪糕口味特别，心太软系推荐，但工厦黎讲性价比不高， 试一两次都ok ge。下次应该会拣个下午茶时间黎慢慢试！