一心素食 (已結業)

观塘一心经常去，几味小菜系必食。今日约到6个好友, 可以试埋佢地嘅药膳火锅，好开心。先试一啖汤底，药材很浓，好过之前喺D2食果间好多。其实之前我地都喺一心打过边炉, 但记得蔬菜盘都系普通菜同埋素丸豆腐，呢碟野来到，我地全部都呆左一阵好多好奇怪嘅菇类，例如好似珊瑚咁样嘅鹿茸菇，又有一旧鲜黄色嘅黄耳菇等等，好多见都未见过，虽然食落未必钟意，但都好新奇，好多质地都唔系想像咁样，得意。虽然系二人份, 但份量都足, 6个人, 加左5个小菜，同埋两碟金菇、窝笋，就食到饱饱。除左火锅，当然唔少得我地嘅几款至爱小菜黑松露秋葵炒蛋，本身钟意食秋葵，原来同蛋都好夹。蛋就未必次次都炒得咁靓，要睇师傅心情茄子猴头菇，浓味捞饭之选咕噜肉, 好味, 真系好鬼似, 完全唔觉自己食紧斋，除左菠萝，原来仲有哈蜜瓜，惊喜黄金虾，咸蛋黄咸香适中，又系正野。炸3菇，呢样就普通啲，配沙律酱，个酱超酸，同埋冇喼汁加左3个饭同6杯野饮，埋单6百零蚊，OK啦