小火焰韓式咖啡廳 (觀點中心) (已結業)

最近迷上了韩国食物，于是一直同朋友周围去揾特别既韩国餐厅，今次我地就去左呢间广受好评既小火焰餐厅。到步时已经差唔多八点，人比较多，但唔洗等好耐已经可以入座，餐厅环境唔错，装修亦很有韩风味道。咁我地叫左几样野食同野饮，首先黎到既黎系蓝柑白桃梳打卖相十分有趣，味道亦不错，蓝柑同白桃既味几夹，酸酸甜甜咁几开胃。另外到重头戏 - 溶岩芝士炸鸡面包，上网见到人介绍已经觉得好吸引，亲眼见到后更加觉得震撼。面包有成个头咁大，一切开个面包D芝士就系咁涌出黎，D芝士好香好滑，配埋面包简直系一流，另外炸鸡亦系超级好味，外皮炸到脆卜卜，入边既鸡肉都好嫩滑，绝对唔输比韩国地道既炸鸡。将炸鸡点埋芝士黎食亦系另一种享受，绝对系芝士爱好者既天堂。虽然呢道墨鱼汁青口刀切面几入味，D面几爽口，青口亦几鲜甜，但食完岩岩个芝士炸鸡面包已经几饱，最后食唔晒，而且两者相比之下刀切面比较逊色，但钟意墨汁既朋友亦可以一试。整体而言，呢间餐厅既野真系几好食，难怪咁多好评，绝对会再去。如果系钟意芝士既朋友更加要去试一试呢到既芝士炸鸡面包，绝对会一试难忘。