影片
更多
2019-05-08
81 浏览
今日同朋友温完书，就去咗西营盘附近觅食，磅太太一直都听人讲过，所以就趁住就脚，去试一试！其实佢个位置系位于上环同西营盘交界，都唔算难揾。餐厅外面完全唔似一间餐厅，真系以为佢系配匙铺头😂但呢间野睇落好怀旧，但实际佢食嘅野系fusion。入到去就好似中西合璧嘅感觉，有bar台：可以同朋友小酌两杯，但又适合朋友聚会。幅墙设计好有心，用好上海风嘅镜配搭筷子去砌成！佢地选用嘅餐具同杯都好特别，有好似外卖用嘅木筷子，而我拣嘅cocktail 都用好似人地旧时娘娘用嘅杯😂杯cocktail 叫做Bridge of Love （$140），味道较为强烈，如果钟意fruity啲嘅就唔啱啦！Sticky Coffee Pork Belly Skewers （$38）浸过咖啡酒，所以一摆上黎已经有好香咖啡味，但食落就唔觉。佢地拣嘅肉都肥瘦适中，食落一啲都唔肥，而且上面有puffed rice衬托，口感好正！Crispy Unagi （$48）极力推荐，必食！个人印象最深刻嘅一道菜，听负责人讲，佢地用嘅系日本鳗鱼，上面配有咸蛋黄鱼皮同紫菜，丰富个口感。我觉得个咸蛋黄鱼皮真系画龙点睛，同鳗鱼个味道好夹，而且带有
餐厅外面完全唔似一间餐厅，真系以为佢系配匙铺头😂但呢间野睇落好怀旧，但实际佢食嘅野系fusion。
入到去就好似中西合璧嘅感觉，有bar台：可以同朋友小酌两杯，但又适合朋友聚会。
幅墙设计好有心，用好上海风嘅镜配搭筷子去砌成！
佢地选用嘅餐具同杯都好特别，有好似外卖用嘅木筷子，而我拣嘅cocktail 都用好似人地旧时娘娘用嘅杯😂杯cocktail 叫做Bridge of Love （$140），味道较为强烈，如果钟意fruity啲嘅就唔啱啦！
Sticky Coffee Pork Belly Skewers （$38）
浸过咖啡酒，所以一摆上黎已经有好香咖啡味，但食落就唔觉。佢地拣嘅肉都肥瘦适中，食落一啲都唔肥，而且上面有puffed rice衬托，口感好正！
Crispy Unagi （$48）
极力推荐，必食！
个人印象最深刻嘅一道菜，听负责人讲，佢地用嘅系日本鳗鱼，上面配有咸蛋黄鱼皮同紫菜，丰富个口感。我觉得个咸蛋黄鱼皮真系画龙点睛，同鳗鱼个味道好夹，而且带有少少辣，好好食！
Soy Marinated Shrimp （$98）
用天使虾整，浸咗系豉油、昆布等酱料等佢入味，只虾好新鲜，即使浸落豉油都唔觉咸！
Ma-la Fried Wings （$88）
推荐之二
即使人生食过不同种类嘅炸鸡翼，佢依然令我好surprised！负责人话佢地用牛奶代替面粉炸，个外皮好松脆，但内里系爆juicy，啲肉质仲keep到好嫩滑，而且又辣辣地，好正！
Eggplant Ravioli （$68）
呢个ravioli好特别，入面系stuffed咗茄子同goat cheese，我朋友平时唔食茄子都试咗，以前去啲食italian food嘅地方会觉得ravioli好漏，但佢入面系茄子，感觉上fresh啲😂
King Prawn “Hoi Mei” Sticky Rice （$228）
系好传统嘅糯米饭，但上面铺咗虾，加咗传统嘅材料，例如虾米等，亦有素翅去增加个口感层次。我觉得佢保留咗好传统糯米饭嘅精粹，但都好有创意！
Smoked Pigeon （$168）
好中式菜feel，食嘅时候可以点少少smoked salt，阵smoky味都好出，几有特色！
呢间餐厅你会见到好多传统中国菜嘅影子，但佢加咗好多自己餐厅嘅特色同创意，而且都好有心思去设计个餐单餐厅manager都好乐意同你去介绍菜式嘅做法同特别之处，好有心机！当晚有一半以上都系外国人帮衬，感觉上可以推广一啲华人社会嘅特色之余，亦可以比我地去见到中国菜可以点crossover 其他国家嘅野！
张贴
