Sixer Burger (已結業)

我一向都好钟意食美国野，汉堡、热狗、意粉等等，讲起都想食😂。今日黎到荃湾，唔系好知食咩，见到喱间食burger嘅小店，感觉都几好，一于试下先。-餐牌设计得几好，野食选择好多，净系汉堡都已经有11款唔同嘅配搭。另外仲有热狗、all-day breakfast、薯条、炸鸡、沙律等等。-我地一行4个人，所以可以叫好多唔同种类嘅食物试下。今次order左一份什菜沙律，芝士肉酱薯条，特色炸鸡篮，龙虾牛肉汉堡，蒲烧鳗鱼汉堡同埋卡邦尼青口意粉。-什菜沙律配左个黑醋汁，入面有罗马生菜、沙律菜、紫洋葱同蕃茄，整体几新鲜，好开胃。-薯条炸到金黄香脆，肉酱份量好多，配埋上面融化左嘅芝士，望到都觉得好吸引。-普通嘅手打牛肉汉堡就食得多，配埋龙虾嘅就真系第一次食。龙虾size好大，烹调时间掌控得几好，食落爽口弹牙，感觉好新鲜。汉堡嘅牛味浓郁，咬落juicy，同龙虾个感觉都几夹，配埋新鲜嘅蔬菜，同埋个香草忌廉柠檬汁，成个感觉好refreshing，绝对系诚意之作👍🏻。