Cali-Mex Bar & Grill (灣景街) (已結業)

特别嘅一个体验！平时饮1664 Blanc系一杯杯斟好攞来，呢度就可以拣斟好俾你，或者自己斟，斟几多，计几钱，枱面自己斟，电子磅都系枱面，好特别！墨西哥菜，选择唔多，来来去去都系墨西哥卷，或者墨西哥饭，拼猪牛鸡。再拣大中小辣。我哋拣咗猪肉墨西哥卷（脆玉米饼皮 - 即系平时墨西哥粟米片大块版），小辣。猪肉一粒粒，再有菜、酱料。我钟意食牛油果，所以特登加$18加牛油果酱，来咗个绿色酱，食落去无牛油果味，只系辣味，问侍应，佢话source包咗喺卷入面。但食来食去食唔到牛油果味，再望望隔离左右，人哋系一大pat绿色杰挞挞牛油果酱另上，于是特登揾返落单个侍应问有无落到单，佢话无。好啦，埋单，加咗$18牛油果酱。食咗加钱系无问题，问题系无食，确认无落单，最后收咗钱，好乱！我当然叫佢减返条数啦，根本无加到牛油果酱。鸡肉墨西哥饭 - 一般。墨西哥饭，味道系星洲炒饭嘅味道，无特别。而且全部配料系一盒盒整好晒，然后因应客人点选后加上去，即系好似Super Sandwich整包咁。贪新鲜一试无访！又或者坐低饮嘢倾计都几好，因为两只啤酒 - Asahi & 1664 Blanc可以随饮随计，唔怕饮唔晒。