Shibui 洋食屋 (已結業)

经过Shibui好多次，今晚终于嚟食到啦。环境好有feel，好有心思同情调，赞赏！带另一半、朋友，甚至一家人小聚会都好好！天气冻好贴心地准备咗暖水，菜牌都系日式小设计！背景音乐都系以柔和为主，好适合小聚会约会。店员小姐姐好好服务礼貌，少见少见！吉列广岛蚝 $65一上台，就听到有人walk in 要近两个小时先有位，好劲！平日full到咁！我地都估唔到！就可以将打席嘅四人枱，摇身一变八人枱。小柠檬件同香草卡夫酱，吉列皮好脆。虽然望落去ho嘅比例唔算大，但系食落去又唔会觉得差太多，可能因为真系脆好快直接捞到落去蚝个位置，无沙干净。三文鱼扒配奶油炖菜伴饭 $168南瓜、西兰花、日本菇、秋葵、茄子同埋洋葱为炖菜，加咗奶油之后成件事减左茄子同秋葵既青味，咁样食饭都唔错。因为朋友有时食茄子会反胃，所以呢个加咗奶油反而佢食到。煎脆左既三文鱼扒，外脆微硬内软返。日本米好烟靭大咬劲。铁板德岛县阿波酢橘鸡肉倍芥末籽忌廉芝士汁 $138呢个上枱咋渣声。鸡肉份量都唔少，都几嫩身带点煎香位。芥末籽忌廉芝士汁就creamy得嚟唔会辣，好友日式西餐嘅风格。