Noodies (已結業)

约了去西营盘睇牙，自己好少来呢区，所以事先上网揾下附近嘅餐厅，呢间新潮面店几吸引我，因为面嘅配搭几特别，而且份量唔大，对我刚刚好去到店面细，招牌抢眼，店内比较简单，面向开放式厨房或向街座位十个， 当时只有1个客！店员（睇单系经理）比咗张好像车仔面落单纸比我， 可自选或点店家订咗嘅面款， 我问完店员食物， 落好单佢入埋厨房帮手！香橙薏米水（跟面加$9）是日特饮，够冻，薏米好香，不过唔觉有橙味（虽然淡淡橙色）味道微甜！唔计橙味嘅味道好！广岛蚝溏心蛋秋葵昆布面叻沙（$81）加加埋埋价钱一啲都唔平（我加昆布面要加$20）几喜欢葱、芽菜、芫茜等可以拣份量（我要大量）卖相靓仔，昆布面店员介绍全昆布打成（提醒我会有微腥）面身超幼，又唔会浸淋，挂汤好好，有咬口又爽口，正！秋葵大条无煮淋，仍然爽口，入面粒粒卜卜脆好味，溏心蛋原只上，𠝹开蛋黄流心，蛋白弹牙，好嫩滑！广岛蚝3只又大又嫩滑，新鲜好味！汤底杰身够浓微辣，微微椰香，好香，配菜豆卜索晒汤，最喜欢芽菜系银芽，爽嫩好味！满分！唯一男店员好贴心，我问嘅食材饮品问题佢详尽介绍，又走出走入帮忙厨房手，店家细心，可以借用围裙，食材睇得出想行突破！配搭特别之余，