施心畢老撾餐廳

营业中

休息中

朋友约食老挝菜，打左个突，好多年前去过旅行，对食过啲咩真系无咩印象，所以觉得应该无咩好野食先系，点知今日都俾左几新鲜既感觉我，不错不错！先黎个随 lunch 附送既老挝咖啡，超甜，同越南咖啡差唔多味，好似食紧咖啡糖咁，都香既，但系用炼奶真系太甜。 南姜香芧水反而有少少太淡味，只有少少姜味。朋友叫既老挝鸡肉100%全米汤粉，佢话好好味，我试左一啖汤，几特别竟然系有少少酸味，好有椰香味，好开胃。我叫左个红咖哩鸡肉见求，其实系红米饭咁解，鸡有鸡味，都好足料，食完饱到呕，抵食！红咖哩其实似蕃茄汁味，少少辣，食唔出咩咖哩味，不过味道是 ok 的。奇怪系佢有啲薯块系度，好搞笑好特别，唔太夹，不过几有新鲜感丫。 朋友叫既白咖哩佢话味道都可以，不过都系食唔出咖哩味，不过老挝菜我地识条铁咩，可能咁就系佢地既特色呢～总括黎讲，大件夹抵食又有新鲜感，不错。