Figaro

营业中

休息中

趁暑假同亚仔去睇吓戏，睇完戏就顺便同佢喺戏院里面食嘢。呢日有啲唔好彩，因为呢间餐厅嘅电脑网络突然间坏咗，所以等左45分钟先有得食，要用现金付款。佢哋都好唔好意思，不停道歉，其实服务态度都唔错，只系今日真系有啲小意外。餐厅环境唔错，地方都算宽敞，又唔嘈，自成一角。无论在座位定卡位，都系红色梳化座椅，坐得算好舒服。黑松露黑毛猪片柠檬海鲜清汤拉面黑毛猪片好薄，有口感，海鲜同黑松露味唔浓，柠檬味好重，面质烟靭，整体个面食好清新、特别，阿仔好钟意。黑胡麻竹炭法包个法包外皮好脆，内层松软，好似有啲黑芝麻味咁，加埋牛油食好香。冻柠檬锡兰茶柠檬茶唔苦涩，又唔太甜，好饮。加大柠檬忌廉酱扁意粉扁意粉面质弹牙，柠檬忌廉酱好清新，味道唔系太酸，仲有少少肉碎喺里面，食完好开胃。