影片
更多
2021-03-21
721 浏览
早前見到傳媒報道介紹呢間食店，見到伯伯非常用心製作越南河粉， 當然一定要黎試下 。鋪頭響附近好出名嗰間漢堡包店行過少少嘅一個小商場裏面 。 一去到和藹可親嘅老闆叫我哋坐低，諗到食乜就開聲啦 。我同老公一人叫咗一碗四寶河，有肥牛、雞肉、扎肉、 仲有一種餸，薄片，有啲似 豆腐皮， 幾好食嘅，不過我唔知係乜 。嗰個扎肉都好特別，有啲酸味嘅非常開胃。牛骨湯底味道好特別， 響第二度從來未食過呢個口味，清清地 ， 有啲檸檬嘅酸味，經味精敏感嘅老公測試過， 湯底完全冇味精。四寶可河36蚊一碗， 熱飲加三蚊，因為我食滯咗所以叫咗罐可樂消吓滯 ，可樂加8蚊一罐。兩個人埋單80蚊，好抵。另外，餐廳牆上貼咗好多香港舊鈔，幾十年前好大張嗰啲匯豐渣打銀紙， 應該係老闆啲珍藏 。有得食嘢又有得欣賞舊鈔， 正呀。
鋪頭響附近好出名嗰間漢堡包店行過少少嘅一個小商場裏面 。 一去到和藹可親嘅老闆叫我哋坐低，諗到食乜就開聲啦 。
我同老公一人叫咗一碗四寶河，有肥牛、雞肉、扎肉、 仲有一種餸，薄片，有啲似 豆腐皮， 幾好食嘅，不過我唔知係乜 。嗰個扎肉都好特別，有啲酸味嘅非常開胃。
牛骨湯底味道好特別， 響第二度從來未食過呢個口味，清清地 ， 有啲檸檬嘅酸味，經味精敏感嘅老公測試過， 湯底完全冇味精。
四寶可河36蚊一碗， 熱飲加三蚊，因為我食滯咗所以叫咗罐可樂消吓滯 ，可樂加8蚊一罐。兩個人埋單80蚊，好抵。
另外，餐廳牆上貼咗好多香港舊鈔，幾十年前好大張嗰啲匯豐渣打銀紙， 應該係老闆啲珍藏 。有得食嘢又有得欣賞舊鈔， 正呀。
张贴
