影片
更多
2021-03-21
689 浏览
早前见到传媒报道介绍呢间食店，见到伯伯非常用心制作越南河粉， 当然一定要黎试下 。铺头响附近好出名𠮶间汉堡包店行过少少嘅一个小商场里面 。 一去到和蔼可亲嘅老板叫我哋坐低，谂到食乜就开声啦 。我同老公一人叫咗一碗四宝河，有肥牛、鸡肉、扎肉、 仲有一种𩠌，薄片，有啲似 豆腐皮， 几好食嘅，不过我唔知系乜 。𠮶个扎肉都好特别，有啲酸味嘅非常开胃。牛骨汤底味道好特别， 响第二度从来未食过呢个口味，清清地 ， 有啲柠檬嘅酸味，经味精敏感嘅老公测试过， 汤底完全冇味精。四宝可河36蚊一碗， 热饮加三蚊，因为我食滞咗所以叫咗罐可乐消吓滞 ，可乐加8蚊一罐。两个人埋单80蚊，好抵。另外，餐厅墙上贴咗好多香港旧钞，几十年前好大张𠮶啲汇丰渣打银纸， 应该系老板啲珍藏 。有得食嘢又有得欣赏旧钞， 正呀。
铺头响附近好出名𠮶间汉堡包店行过少少嘅一个小商场里面 。 一去到和蔼可亲嘅老板叫我哋坐低，谂到食乜就开声啦 。
我同老公一人叫咗一碗四宝河，有肥牛、鸡肉、扎肉、 仲有一种𩠌，薄片，有啲似 豆腐皮， 几好食嘅，不过我唔知系乜 。𠮶个扎肉都好特别，有啲酸味嘅非常开胃。
牛骨汤底味道好特别， 响第二度从来未食过呢个口味，清清地 ， 有啲柠檬嘅酸味，经味精敏感嘅老公测试过， 汤底完全冇味精。
四宝可河36蚊一碗， 热饮加三蚊，因为我食滞咗所以叫咗罐可乐消吓滞 ，可乐加8蚊一罐。两个人埋单80蚊，好抵。
另外，餐厅墙上贴咗好多香港旧钞，几十年前好大张𠮶啲汇丰渣打银纸， 应该系老板啲珍藏 。有得食嘢又有得欣赏旧钞， 正呀。
张贴
