居食屋「和民」 (宇晴匯)

营业中

休息中

朋友搬左去长沙湾四小龙，上星期去完探佢之后一齐落商场食饭，去左“和民”食晚餐，公司附近有“和民”，平时就食lunch多，因为抵食又多选择。特大牛肉寿喜烧 $198尼个份量特大既牛肉寿喜烧，足够我地四个人食，牛肉已经舖满大半个锅既表面，牛肉脂肪较多，所以口感又滑又弹牙，另外配菜有豆腐、野菜同杂菌，新鲜又好味。寿喜烧最好味就系个汤底，带甜味既豉油，忍唔住饮左好多，另外加点乌冬，配埋野菜，非常好味。照烧鸡肉pizza $48Pizza算系迷你和风薄饼，一个四件，薄饼够薄够脆，馅料唔算多，味道都算可以。日式煎饺子 $28一份五只饺子，即叫即煎，外脆内juicy，馅料够多，又有肉汁，铁板上碟能保持热度，再沾少许醋同辣油，抵食又好味。黑糖抹茶小年糕 $23有六粒年糕，配上抹茶粉同埋黑糖浆，唔会太甜，仲有红豆蓉，味道唔错。青柑橘柚子蜜梳打$26柚子同青柑橘嘅味道平衡，好夹，甜中带酸，解渴一流。