一杯屋

营业中

休息中

因为亦情嘅关系都好耐冇去过日本喇。朋友之前向我推介呢间居酒屋。佢话无论呢度嘅环境同埋食物都会令你谂起日本。咁既然今日经开铜锣湾咁就嚟试一试系咪咁值得朋友极度推介。我叫咗几样小食分别有烧大黑菇，脆炸池鱼仔，秋葵木鱼丝同埋最后必食嘅甲罗烧。烧大黑菇，其实我自己好怕出街食串烧菇类。因为出面嘅舖头往往都会将菇烧到干争争。但系自己又好钟意食菇㖞。最后都系忍唔住叫咗试下。最令我惊喜嘅系，呢度烧完嘅菇一啲都唔干身。而且菇味极浓。绝对啱晒我口味。脆炸池鱼仔。鱼身炸到脆卜卜，而且池鱼本身嘅语味都有保留到。非常出色。秋葵木鱼丝。虽然两样食物本身都冇乜味道，但系经过调味之后。都几好食。最后就系必食嘅甲罗烧，蟹膏同蟹肉都劲多。呢个系必食推介。