影片
更多
2021-07-14
1036 浏览
𝒯𝒶𝒾𝓌𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎今日中午试左淘大既豆浆大王，呢间都开左一排，但今日第一次去试。中午时间12:20 左右去到店内已经坐满。虽然店外露天位置都有得坐，但因为冇冷气太热所以等多左阵先入去。店内既感觉好似台湾既早餐店，店面唔算大。今次试左佢既𝘭𝘶𝘯𝘤𝘩 𝘴𝘦𝘵𝘴 同几样特色小食。🌟担担面 ($36)碗面唔似平时担担面火红火红咁既色，而系好平实咁淡黄色。面体系用上海面，都好滑同唔会好碎。黄色应该主要系来自花生酱。仲有肉碎同葱花，食落有少少似屋企呀妈煮比我既味道，食落都唔错。🌟五香牛肉饭($40) 五香牛肉饭有𝘥 喜出望外。牛𦟌肥瘦均匀好易咬开，而且好入味，配有大量雪菜，又好爽口，食得好满足。😜🌟煎酿豆腐 ($16)一碟有三件，而且都算大件，豆腐系用左硬豆腐，比较有咬口，豆香味都浓，外表煎得香脆，里面酿左D 猪肉。味道唔错，如果有𝘥 汁会更好。🌟咸豆浆 ($16) 🍶之前系台湾个熟食中心排左好耐就系为左试咸豆浆，今日竟然再见到，一于试下。咸豆浆里面加左油炸鬼、葱花、虾米、菜脯等等。饮落比较似一碗汤或者米粥。可能我对豆浆既印象始终系甜，所以觉得
今日中午试左淘大既豆浆大王，呢间都开左一排，但今日第一次去试。中午时间12:20 左右去到店内已经坐满。虽然店外露天位置都有得坐，但因为冇冷气太热所以等多左阵先入去。店内既感觉好似台湾既早餐店，店面唔算大。今次试左佢既𝘭𝘶𝘯𝘤𝘩 𝘴𝘦𝘵𝘴 同几样特色小食。
🌟担担面 ($36)
碗面唔似平时担担面火红火红咁既色，而系好平实咁淡黄色。面体系用上海面，都好滑同唔会好碎。黄色应该主要系来自花生酱。仲有肉碎同葱花，食落有少少似屋企呀妈煮比我既味道，食落都唔错。
🌟五香牛肉饭($40) [推介👍🏻]
五香牛肉饭有𝘥 喜出望外。牛𦟌肥瘦均匀好易咬开，而且好入味，配有大量雪菜，又好爽口，食得好满足。😜
🌟煎酿豆腐 ($16)
一碟有三件，而且都算大件，豆腐系用左硬豆腐，比较有咬口，豆香味都浓，外表煎得香脆，里面酿左D 猪肉。味道唔错，如果有𝘥 汁会更好。
🌟咸豆浆 ($16) 🍶
之前系台湾个熟食中心排左好耐就系为左试咸豆浆，今日竟然再见到，一于试下。咸豆浆里面加左油炸鬼、葱花、虾米、菜脯等等。饮落比较似一碗汤或者米粥。可能我对豆浆既印象始终系甜，所以觉得都系钟意甜豆浆多𝘥。
🌟椰汁豆浆 (跟餐加$3) 🥛
椰汁豆浆既椰香味唔算强，豆浆都唔算豆香好重，饮落感觉似加左水咁比较稀。有少少失望。
🌟樽仔奶茶 (跟餐加$3)
奶茶系每日即整，然后雪起。呢道既奶茶味道普普通通，唔算有记忆点。
总结系呢间餐厅既野食比较健康，味精都用得比较少，好有住家菜既感觉。饮品方面好似比较逊色少少🤏。
📍 豆浆大王
九龙湾牛头角道77号淘大商场2期地下G208-209号舖
张贴
