千房 (已結業)

听朋友讲座落在旺角T.O.P.的千房嘅食烧饼好好味，值得一试，呢日行开旺角我就去试吓。座位有吧枱和卡位，我拣左卡位坐，佢张枱都有自己嘅烧炉，当然系俾你用嚟烧饼和炒面用啦！餐厅仲好贴心咁整埋教你自制烧饼嘅指引，一步一步跟着整，就唔怕整wor晒啦！我点左个杂锦广岛烧饼和雪糕甜品，食得好饱啊！杂锦广岛烧饼大大个，里面有虾、乌冬，仲有其他配料，加埋烧饼酱，真系好好味啊！呢度每台仲有一盒木鱼摆喺度任你夹，我系劲钟意食木鱼，所以夹左好多啰，哈哈个雪糕只系$28 ，但系就有三球咁多，有四种味选择，包括抹茶、云呢拿、朱古力、盐味，我冇要到朱古力味，最令我惊喜嘅系盐味，小小咸，好特别！